ສະຫະພັນຣັດເຊຍ ຍາມໃດກໍຖືການປັບປຸງ ແລະ
ພັດທະນາການພົວພັນ ກັບ ຫວຽດນາມ ເປັນສຳຄັນ
ຕາມຂ່າວສານຊິນຮວາລາຍງານວັນທີ 5 ມີນາ ນີ້ວ່າ: ເມື່ອຕອນບ່າຍວັນທີ 4 ມີນາ, ຢູ່ສຳນັກງານຄະນະພົວພັນຕ່າງປະເທດ ສູນ
ກາງພັກກອມມູນິດຫວຽດນາມ ຢູ່ນະຄອນຫຼວງ ຮ່າໂນ້ຍ, ທ່ານ ເລຮ່ ວາຍ ຈຸງ, ຫົວໜ້າຄະນະພົວພັນຕ່າງປະເທດ ສູນກາງພັກ ກອມມູ
ນິດ ຫວຽດນາມ ໄດ້ຕ້ອນຮັບທ່ານ ວາລາດີເມຍ ທີທົບ ຮອງລັດຖະມົນຕີ ກະຊວງການຕ່າງປະເທດ ຣັດເຊຍ ພວມຢ້ຽມຢາມ ຫວຽດ
ນາມ ເພື່ອເຂົ້າຮ່ວມກອງປະຊຸມສຳມະນາຍຸດທະສາດການທູດ-ການປ້ອງກັນຊາດ-ປ້ອງກັນຄວາມສະຫງົບ ຫວຽດນາມ-ຣັດເຊຍ ຄັ້ງທີ 13.
ທ່ານ ເລຮ່ວາຍຈູງ ໄດ້ກ່າວວ່າ: ພັກ, ລັດ ແລະ ປະຊາຊົນ ຫວຽດນາມ ຍາມໃດກໍຈົດຈຳການສະໜັບສະໜູນ, ການຊ່ວຍເຫຼືອອັນ
ລ້ຳຄ່າເຊິ່ງປະຊາຊົນ ໂຊວຽດ, ປະຊາຊົນ ຣັດເຊຍ ສະຫງວນໃຫ້ ຫວຽດນາມ ໃນພາລະກິດແຫ່ງການຕໍ່ສູ້ຍາດເອົາເອກະລາດໃນເມື່ອ
ກອນ ແລະ ໃນພາລະກິດສ້າງສາ, ປົກປັກຮັກສາປະເທດຊາດປັດຈຸບັນ, ທ່ານເນັ້ນໜັກຕື່ມວ່າ: ຫວຽດນາມ ຖືການພົວພັນມິດຕະພາບ
ທີ່ເປັນມູນເຊືອ, ຄູ່ຮ່ວມມືຍຸດທະສາດຮອບດ້ານກັບ ຣັດເຊຍ ເປັນສຳຄັນ.
ສ່ວນທ່ານຮອງລັດຖະມົນຕີ ກະຊວງການຕ່າງປະເທດ ຣັດເຊຍ ໄດ້ກ່າວຢັ້ງຢືນວ່າ: ຣັດເຊຍ ຍາມໃດກໍຖືການປັບປຸງ, ພັດທະນາ
ການພົວພັນກັບ ຫວຽດນາມ ເປັນສຳຄັນ. ທ່ານ ຍັງເນັ້ນໜັກຍັງໄດ້ແລກປ່ຽນຄວາມຄິດເຫັນຂອງທ່ານ ເລຮ່ ວາຍ ຈູງ ກ່ຽວກັບ ບັນດາ
ທິດທາງ, ມາດຕະການໃຫຍ່ ເພື່ອແນໃສ່ຊຸກຍູ້ການພົວພັນລະຫວ່າງສອງປະເທດໃນໄລຍະຈະມາເຖິງ, ພິເສດແມ່ນຊຸກຍູ້ບັນດາການ
ຢ້ຽມຢາມຂັ້ນສູງໃນປີ 2024.
ແຫຼ່ງທີ່ມາ: ໜັງສືພິມກອງທັບ
ວັນທີ 11/03/2024